རྒྱ་ནག་དང་མཉམ་བོད་ནང་གི་འགྲོ་བ་མིའི་ཐོབ་ཐང་དང་འགྲོ་འོང་འདྲ་མཉམ་སྐོར་གླེང་དགོས།

2020-06-18
གློག་འཕྲིན།
མཆན།
Share
པར་བཀོད།
ཡོ་རོབ་མཐུན་ཚོགས་དང་རྒྱ་ནག་ཕྱོགས་སོ་སོའི་དར་ཆ། ༢༠༡༨
ཡོ་རོབ་མཐུན་ཚོགས་དང་རྒྱ་ནག་ཕྱོགས་སོ་སོའི་དར་ཆ། ༢༠༡༨
REUTERS

ཡོ་རོབ་མཐུན་ཚོགས་དང་རྒྱ་ནག་གི་ལོ་འཁོར་ཚོགས་ཆེན་སྐབས་ཡོ་རོབ་ཕྱོགས་ནས་རྒྱ་ནག་དང་མཉམ་བོད་ནང་གི་འགྲོ་བ་མིའི་ཐོབ་ཐང་དང་འགྲོ་འོང་འདྲ་མཉམ་སྐོར་གླེང་དགོས་བའི་འབོད་སྐུལ་ཞུས་འདུག
ཡོ་རོབ་མཐུན་ཚོགས་ཀྱིས་རྒྱ་ནག་དང་མཉམ་ལོ་རེའི་ཆེས་མཐོའི་ཚོགས་ཆེན་ཚོགས་བཞིན་པ་དེ་བཞིན་བདུན་ཕྲག་རྗེས་མར་འཚོགས་རྒྱུའི་གྲ་སྒྲིག་གནང་བཞིན་པའི་སྐབས། རྒྱལ་སྤྱིའི་བོད་དོན་ལས་འགུལ་ཁང་གིས་ཡོ་རོབ་མཐུན་ཚོགས་ཀྱི་དཔོན་རིགས་རྣམས་ཀྱིས་གོ་སྐབས་དེ་བཟུང་ནས། ཚོགས་ཐོག་བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་ཡར་རྒྱས་གཏོང་དགོས་པའི་དགོས་འདུན་བཏོན་དགོས་པ་དང་། རྒྱ་ནག་གི་མི་སེར་ཡོ་རོབ་ཁུལ་དུ་རང་དབང་སྒོ་ནས་ཡོང་འཇུག་གི་ཡོད་པ་བཞིན། ཡོ་རོབ་ཀྱི་དཔོན་རིགས་གཙོས་པའི་མི་སེར་རྣམས་ཀྱང་བོད་ནང་རང་དབང་གི་སྒོ་ནས་འགྲོ་རུ་འཇུག་དགོས་པའི་གནད་དོན་ནན་བརྗོད་གནང་དགོས་པའི་འབོད་སྐུལ་གནང་འདུག
རྩ་བའི་ཆ་ནས་ཡོ་རོབ་མཐུན་ཚོགས་དང་རྒྱ་ནག་གཉིས་བར་ཆེས་མཐོའི་ལྷན་ཚོགས་དེ་བཞིན། འདི་ལོའི་ཕྱི་ཟླ་གསུམ་པའི་ནང་གནང་འཆར་ཡོད་རུང་། རྒྱ་ནག་ནས་བྱུང་བའི་ཏོག་དབྱིབས་ནད་ཡམས་ཀྱི་རྐྱེན་པས་དེ་ཕྱིར་འཐེན་གནང་དགོས་བྱུང་བར་བརྟེན། ད་ཆ་བདུན་ཕྲག་རྗེས་མ་ཕྱི་ཟླ་༦་ཚེས་༢༢་ཉིན་དྲ་ཐོག་བརྒྱུད་གནང་འཆར་ཡོད་སྐོར་ཡོ་རོབ་མཐུན་ཚོགས་ཀྱི་ཕྱི་འབྲེལ་ལས་དོན་དང་བདེ་སྲུང་སྐུ་ཚབ་(Josep Borrell)་ལགས་ཀྱིས་འདི་ཚེས་༡༥་གཟའ་ཟླ་བའི་ཉིན་གསལ་བསྒྲགས་གནང་འདུག
རྒྱལ་སྤྱིའི་བོད་དོན་ལས་འགུལ་ཁང་གི་ཡོ་རོབ་མཐུན་ཚོགས་ཀྱི་སྲིད་ཇུས་ཐད་ཀྱི་འགན་འཛིན་(Vincent Metten)་ལགས་ཀྱིས། ཡོ་རོབ་མཐུན་ཚོགས་དང་རྒྱ་ནག་གཉིས་བར་ཆེས་མཐོའི་ལྷན་ཚོགས་གནང་འཆར་དེ་ནི། ཡོ་རོབ་མཐུན་ཚོགས་ཀྱིས་རྒྱ་ནག་ལ་ཁ་གཏད་གཅོག་རྒྱུའི་གོ་སྐབས་ཤིག་མཚོན་གྱི་ཡོད་སྟབས། ཡོ་རོབ་མཐུན་ཚོགས་ཀྱིས་རང་གི་ཁེ་ཕན་ཁག་སྲུང་སྐྱོབ་གནང་བ་ཙམ་མ་ཟད། ཡོ་རོབ་མཐུན་ཚོགས་དེ་བཞིན་གསར་འཛུགས་གནང་བའི་རིན་ཐང་ཁག་ཀྱང་དར་འཕེལ་གཏོང་རྒྱུའི་གོ་སྐབས་ཤིག་ཡིན་པས། རྒྱ་ནག་གཞུང་གིས་བོད་མིའི་ཐོག་དྲག་གནོན་བྱེད་མུས་ཁག་མཚམས་འཇོག་དགོས་པ་ཡོ་རོབ་མཐུན་ཚོགས་ཀྱིས་དགོས་འདུན་བཏོན་དགོས་པ་དང་། དེ་སྔ་ཡོ་རོབ་མཐུན་ཚོགས་ཀྱིས་གཅིག་ལན་གཅིག་འཇལ་གྱི་རྩ་དོན་གཞིར་བཟུང་ནས་རྒྱ་ནག་གི་དཔོན་རིགས་གཙོས་པའི་རྒྱ་ནག་གི་མི་སེར་ཚོ། ཡོ་རོབ་ནང་རང་དབང་ཐོག་ནས་ཡོང་འཇུག་གི་ཡོད་པ་བཞིན། ཡོ་རོབ་ཀྱི་གསར་འགོད་པ་དང་ཕྱི་འབྲེལ་མི་སྣ། གྲོས་ཚོགས་འཐུས་མི་སོགས་གཙོས་མི་སེར་རྣམས་བོད་ནང་རང་དབང་གི་སྒོ་ནས་འགྲོ་བསྐྱོད་ཆོག་པའི་འདྲ་མཉམ་གྱི་ཐོབ་ཐང་ལེན་དགོས་བ་ནན་བརྗོད་གནང་སྟེ། རྒྱ་ནག་ལ་ཁ་གཏད་ཤུགས་ཆེ་ཙམ་གཅོག་དགོས་པའི་འབོད་སྐུལ་གནང་འདུག
ཏོག་དབྱིབས་ནད་ཡམས་ཁྱབ་གདལ་ཀྱི་དཀའ་རྙོག་འགོ་བཙུགས་པའི་རྗེས་སུ། ཡོ་རོབ་མཐུན་ཚོགས་ཀྱིས་རྒྱ་ནག་གཞུང་གིས་གནས་ཚུལ་འཁྱོག་བཤད་དང་། ཡོ་རོབ་ཁ་བྲལ་བཏང་སྟེ་དབང་དུ་འདུས་རྒྱུའི་རྣམ་འགྱུར་ལ་གདེང་ཚོད་ཆེན་པོའི་སྒོ་ནས་ཁ་གཏད་གཅག་ཡོད་པ་མ་ཟད། འདི་ཟླའི་ཚེས་༡༠་ཉིན་ཡོ་རོབ་མཐུན་ཚོགས་ཀྱི་ཕྱི་འབྲེལ་ལས་དོན་གྱི་སྐུ་ཚབ་(Josep Borell་མཆོག་དང་། (European Commission)་ཡི་ཚོགས་གཞོན་(Vera)་རྣམ་གཉིས་ཀྱིས་རྒྱ་གཞུང་གིས་ཏོག་དབྱིབས་ནད་ཡམས་དང་འབྲེལ་ཡོད་དྲིལ་བསྒྲགས་ཀྱི་གནས་ཚུལ་རྫུན་མ་སྤེལ་བར་རྒྱ་ནག་གཞུང་དངོས་སུ་མིང་བཏོན་གནང་སྟེ་རྒྱ་ནག་ངོ་ཚ་པོ་དང་ཁ་སྐྱེངས་པོ་བཟོས་ཡོད་འདུག

མཆན། (0)
Share
དྲ་གནས་ཆ་ཚང༌།